Buluhatong Pagpanagna ni Elias ug Eliseo

SI Elias maoy usa ka manalagna nga mihagit alang sa usa ka panagtigi sa pagkadiyos didto sa Bukid sa Carmelo. Ang amihanang gingharian nahugawan tungod sa pagsimba kang Baal. Apan si Elias maisogong mihagit sa 450 ka manalagna ni Baal aron pamatud-an kon si Baal ba ang matuod nga Diyos. Ang ilang mabalak-ong pag-ampo sulod sa daghang takna walay nahimo. Unya si Elias nagpahimutang sa iyang halad, nagbasa niini sa tubig sa makadaghang higayon, ug nag-ampo kang Jehova. Sa dihang ang kalayo dihadihang nahulog gikan sa langit, naglamoy sa halad, ug nagtila sa tubig, ang katawhan mipatugbaw: “Si Jehova mao ang matuod nga Diyos!” Niana, gisugo ni Elias nga ang mga manalagna ni Baal pamatyon.​—1Ha 18:18-40.