Si Herodotus (II, 46) nag-ingon nga gikan sa maong Ehiptohanong pagsimba gikuha sa mga Grego ang ilang pagtuo sa diyos nga si Pan ug usab sa mga satyr, mga diyos sa kakahoyan nga maulagon kaayo, nga sa ulahi gihulagway ingong may mga sungay, ikog sa kanding, ug mga tiil sa kanding. Ang uban nagtuo nga ang katunga-hayop nga dagway niining pagano nga mga diyos mao ang gigikanan sa naandan nga paghulagway kang Satanas ingong may ikog, mga sungay, ug mga tiil nga buak ang kuko, usa ka tinuohan nga kaylap taliwala sa nag-angkong mga Kristohanon sa Mangiob nga Katuigan.