Ang “bukton” ni Jehova nga Diyos hilabihan gayod ka gamhanan, nga makahimo ug kahibulongang mga buhat sa paglalang. (Jer 27:5; 32:17) Pinaagi sa iyang “bukton” si Jehova usab nagamando (Isa 40:10; Eze 20:33), nagaluwas niadtong anaa sa kasakitan (Sal 44:3; Isa 52:10), nagaluwas sa iyang katawhan (Ex 6:6; Isa 63:12; Buh 13:17), nagapaluyo ug nagaatiman kanila (Deu 33:27; Isa 40:11; Os 11:3), nagahukom (Isa 51:5), ug nagapatibulaag sa iyang mga kaaway (Sal 89:10; Luc 1:51).

Gipasidan-an ni Jehova ang iyang katawhan bahin sa pagkasayop ug sa katalagman nga modangat sa pagsalig sa bukton sa tawo. (2Cr 32:8; Jer 17:5) Iyang balion ang bukton sa daotan, nga gihubit ingong nagalupig sa ilang mga biktima.​—Job 35:9; 38:15; Sal 10:15.