Kaakohan. Ang usa nahatagan ug mga katungod sa iyang paggamit sa awtorisadong pagkaulo, apan duyog usab niini ang mga katungdanan o mga obligasyon. Si ‘Kristo mao ang ulo sa kongregasyon’ ug busa may katungod sa paghimog mga desisyon may kalabotan niini ug sa pagpasundayag ug awtoridad ibabaw niini. (Efe 5:23) Apan tungod sa iyang pagkaulo, obligasyon usab niya nga dawaton ang katungdanan sa pag-atiman sa kongregasyon ug ang pagpanubag sa iyang mga desisyon.

Kinahanglang gamiton sa Kristohanong lalaki ang iyang pagkaulo sa maalamong paagi, nga maghigugma sa iyang asawa sama sa iyang kaugalingon. (Efe 5:33) Gigamit ni Jesu-Kristo ang iyang pagkaulo ibabaw sa Kristohanong kongregasyon niining paagiha. (Efe 5:​28, 29)