Kini nga seksiyon gituohan nga mao ang lawis o tagaytay nga milatas sa H gikan sa Bukid sa Moria. Busa kini nahimutang sa H sa templo nga gitukod sa ulahi ni Solomon. Karong adlawa kini maoy usa ka hiktin nga patag sa bukid diha sa habagatan, nga ubos ra kay sa Bukid sa Moria. Daghang pagpangubkob ang gihimo niining dapita, ilabina sa panahon sa paghari ni Emperador Hadrian ug sa pagtukod sa Romanhong siyudad sa Aelia Capitolina niadtong mga 135 K.P. Busa, dayag nga sa karaang mga panahon ang gihabogon niini susama gayod sa Bukid sa Moria, bisan tuod ubos gihapon kay sa nahimutangan sa templo.​—MGA HULAGWAY, Tomo 1, p. 747, ug Tomo 2, p. 947.

Ang ekspresyon nga ilang ‘gidala patungas ang arka gikan sa Siyudad ni David’ nagpakita nga ang templo nahimutang sa mas habog nga dapit, sanglit ang Bukid sa Moria mas habog kay sa habagatan nga lawis. (1Ha 8:1)