Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • it-2 “Tributo”
  • Tributo

Walay video nga available.

Sorry, dunay problema sa pag-load sa video

  • Tributo
  • Pagtugkad sa Kasulatan, Tomo 2
  • Susamang Materyal
  • Jehosapat
    Pagtugkad sa Kasulatan, Tomo 1
  • Pagbuhis
    Pagtugkad sa Kasulatan, Tomo 2
  • Si Ehud Nagtapos sa Pagdaogdaog sa Hari
    Ang Bantayanang Torre Nagapahayag sa Gingharian ni Jehova—2004
  • Ang Kaawayng mga Nasod nga Misulong sa Israel
    Pagtugkad sa Kasulatan, Tomo 1
Uban Pa
Pagtugkad sa Kasulatan, Tomo 2
it-2 “Tributo”

TRIBUTO

Sagad kini maoy salapi o ubang bililhong mga butang, sama sa kahayopan, nga ibayad sa usa ka estado o sa usa ka magmamando ngadto sa usa ka langyawng gahom ingong pag-ila sa pagkasakop niini, aron mahuptan ang pakigdait, o aron mabatonan ang panalipod. (Sa pagtagad sa mga pulong sa orihinal nga pinulongan, tan-awa ang PAGBUHIS.) Ang mga nasod nga mangayo ug tributo sa ubang katawhan sagad nga makadawat ug bulawan ug plata o mga produkto nga diyutay ra ug suplay sa ilang kaugalingong yuta. Niining paagiha gipalig-on nila ang ilang ekonomiya samtang gipahuyang ang gisakop nga mga nasod pinaagi sa paghukhok ug maayo sa ilang mga kahinguhaan.

Ang Judeanhon nga si Haring David (2Sa 8:​2, 6), Solomon (Sal 72:10; itandi ang 1Ha 4:21; 10:23-25), Jehosapat (2Cr 17:​10, 11), ug Uzzias (2Cr 26:8), ingon man usab ang Israelinhon nga si Haring Ahab (2Ha 3:​4, 5), nagdawat ug tributo gikan sa ubang katawhan. Apan, tungod sa pagkadili-matinumanon, ang mga Israelinhon sagad walay dag-anan ug napugos sa pagbayad ug tributo ngadto sa uban. Sukad pa sa panahon sa mga Maghuhukom, samtang nailalom sa pagmando sa Moabihanon nga si Haring Eglon, sila nagbayad ug tributo. (Huk 3:12-17) Sa ulahing katuigan, ang gingharian sa Juda ug ang amihanang gingharian sa Israel nagbayad ug tributo sa dihang nailalom sa pagkontrolar sa langyawng mga gahom. (2Ha 17:3; 23:35) Sa lainlaing panahon sila naghatag ug mga butang ingong katumbas sa tributo sa dihang ilang bayran ang kaawayng mga nasod aron sila mosibog sa pagsulong o hiphipan ang uban bugti sa militaryong tabang nga ihatag.​—2Ha 12:18; 15:​19, 20; 18:13-16.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa