Usa ka katawhan nga sakop sa pagkahari ni Is-boset nga anak nga lalaki ni Saul. Sa 2 Samuel 2:9 gitala sila taliwala sa Gilead ug Jezreel. Ang Latin nga Vulgate ug Syriac nga Peshitta mabasa dinhi nga “mga Gesurihanon,” samtang ang mga Targum nag-ingon nga “mga Asernon.” (Itandi ang Huk 1:32.) Ang ngalang Asurim gigamit sa Genesis 25:​3, apan niining tekstoha kini nagtumong sa Arabianhong mga kaliwat ni Abraham pinaagi kang Dedan.​—Tan-awa ang SIPRES.

Ang mga kaliwat ni Dedan nga anak nga lalaki ni Joksan, nga usa sa mga anak nga lalaki ni Abraham kang Ketura. (Gen 25:1-3) Ang paggamit diha sa Hebreohanong teksto niini nga ngalan nga ang tumoy maoy plural (im) nagpakita nga ang Asurim naghawas sa usa ka tribo o katawhan. Dili espesipikong matino kon hain niini, apan ang pipila ka tribo sa amihanang Arabia lagmit mao ang gipasabot. Hinunoa, kini sila lahi ra sa mga Asiryanhon nga mga kaliwat sa anak nga lalaki ni Sem nga si Asur.