FEATURE
Mga Panghitabo sa Kinabuhi ni Jacob
SI Jacob giuyonan sa Diyos tungod kay siya nagpasundayag ug halalom nga pagpabili sa sagradong mga butang. (Heb 12:16, 17) Si Jehova nagpasalig kang Jacob nga ang iyang kaliwat magapanunod sa yuta nga gisaad ngadto kang Abraham, ug siya miingon: “Pinaagi sa imong binhi ang tanang banay sa yuta tinong magapanalangin sa ilang kaugalingon.”—Gen 28:4, 10-15.
Bisan tuod nga siya gipanalanginan ug materyal nga bahandi ug 12 ka anak nga lalaki, ang kinabuhi ni Jacob wala mahigawas sa kalisdanan. Apan wala gayod mawad-ig pagtuo si Jacob kang Jehova ug sa pagkakasaligan sa iyang pulong. Bisag siya himalatyon na, nagpahayag siya ug pagtuo sa Mesiyanikong saad. (Gen 49:10) Diha sa kaliwatan ni Jacob natawo si Jesu-Kristo, nga pinaagi kaniya ang Diyos magapanalangin sa katawhan sa walay kataposan.
MAPA: Jacob
Kagun-oban sa karaang Sekem. Dinhi, ang pagpakighugoyhugoy sa anak nga babaye ni Jacob sa mga babayeng Canaanhon misangpot sa pag-among-among kaniya (Gen 34:1, 2)
Ang Beitin, duol sa kagun-oban sa karaang Bethel. Sa Bethel, gisultihan sa Diyos si Jacob sa duha ka higayon nga siya mao ang manununod sa Abrahamikong pakigsaad (Gen 28:13-19; 35:6-13)
Hinagdang Piramide sa Saqqara, Ehipto; dayag nga naglungtad kini sa adlaw ni Jacob. Gigugol ni Jacob ang kataposang 17 ka tuig sa iyang kinabuhi sa Ehipto