Aborsiyon—Ug “ang Tinubdan sa Kinabuhi”
KARONG ADLAWA, tungod sa modernong teknolohiya, ang mga doktor daling makatino sa sekso sa usa ka bata sa tiyan. Apan kinsay makatino sa kinaiya niana? Kinsay makaila sa natagong katakos niana ingong buhi, tawhanong kalag? (Genesis 2:7) Si Jehova nga Diyos lamang ang makaila, sanglit siya moa ”ang tinubdan sa kinabuhi.” (Salmo 36:9) Paladonga ang mosunod nga mga pananglitan sa Kasulatan.
Ang patriarkanhong mga balaod sa panulondon nalangkit sa pagkauna sa panganay. Bisan pa niana, dihang si Rebekah, ang asawa ni Isaac, nanamkon ug kaluha, ang Diyos misulti kaniya: “Ang magulang magaalagad sa manghod.” Ang mga kinabuhi sa huha nila ka batang lalaki, si Jacob ug sa Esau, nagpamatuod sa pagkasabot ni Jehova sa ilang mga personalidad sa dugay na sa wala pa sila matawo.—Genesis 25:22, 23.
Kasiglohan sa ulahi, gisultihan sa usa ka manulonda si Zacarias nga saserdote nga ang iyang asawang si Elizabeth manganak sa usa ka anak lalaki nga paganganlang Juan. Maoy pribilehiyo sa maong anak lalaki, nga sa ulahi nailhang si Juan Bautista, sa pag-andam sa dalan alang kang Jesus, ang Mesiyas. Ang pagkamapaubsanon sa hunahuna maoy usa ka estriktong kinahanglanon alang sa maong komisyon, sumala sa nasayran pag-ayo sa Diyos.—Lucas 1:8-17.
Ang Bata sa Tiyan—Unsa ka Bililhon?
Si Haring David miila: “Ikaw [Jehova] nagtago kanako sa tiyan sa akong inahan....Ang imong mga mata nakakita bisan s akong pagkabinhi pa, ug ang tanan niining bahin nahisulat na sa imong basahon.” Ug kana matuod gayod kang bisan kinsa kanato.—Salmo 139:13-16.
Ang matag tawhanong pagmabdos bililhon alang sa “ang tinubdn sa kinabuhi,” si Jehova nga Diyos. Kon unsa ka bililhon, ang Moisesnong Kasugoan ginatin-aw sa Exodo 21:22, 23: “Kong may mga tawo nga managaway ug makasamad sa usa ka babaye nga nagamabdos...,kon mahitabo ugaling ang usa ka pagkamatay tungod sa aksidente, nan magabayad ka sa kinabuhi tungod sa kinabuhi.”
Gipatim-aw sa pila ka hubad sa Bibliya nga niining balaora ang ginungdanong butang maoy kon unsay nahitabo sa inahan, dili sa bata sa tiyan. Bisan pa niana, ang orihinal Hebreohanong teksto nagatumong sa makamatay nag aksidente sa inahan kaha o sa bata.
Panghunahuna sa Sayong Kristiyanidad
Tapos sa pagkamatay sa mga apostol ni Jesu-Kristo sa unang siglo, daghang tawo ang nagpatin-aw sa ilang mga pagtulon-an. Ang maong mga magsusulat dili ispirado nga sama sa mga magsusulat sa Bibliya, apan ang ilang mga komento makaiikag kay sila nagbanaag sa relihiyosong panghunahuna sa ilang panahon bahin niining bililhong isyu. Ania ang pila ka pagkutlo.
Ang Sulat ni Bernabe, kapitulo 19:5 (c.100-132 K.P)
“Dili ka magpatay sa bata pinaagi sa pagbatog aborsiyon; ni, usab, patyon kini tapos sa pagkatawo niini.”
Ang Didache, o Ang Pagtulon-an sa Napulog-Duha ka Apostol (c.150 C.E.)
“Kini mao ang Dalan sa Kinabuhi:...Dili ka magpatay sa bata diha sa tagoangkan o magpatay sa batang bag-ong natawo.”
Tertullian: Apology, kapitulo 9:8 (c. 197 C.E.)
“Apan kanato ang pagpatay gidili sa bug-os. Kita dili tugotan sa paglaglag bisan sa bata diha sa tagoangkan, basta ginakuha pa ang dugo aron sa pagporma sa usa ka tawo. Ang pagpugong sa pagkatawo sa usa ka bata maoy giplano nga pagpatay. Walay kalainan kon kaha ang usa nagalaglag sa usa ka kinabuhi nga natawo na o nagabalda sa pagkatawo niini. Ang usa nga mamahimong usa ka tawo maoy usa na ka tawo.”
Basil: Sulat Kang Amplihochius (347 C.E.)
“Ang babaye nga tinuyong naglaglag sa usa ka bata sa tiyan kinahanglang magabayad sa silot sa pagpatay. Ug ang kalainan nga samag lugas sa buhok kon kaha naporma ang bata o wala maporma dili dalawaton alang kanato.”
Ang Kristohanong Hunahuna
Ang kinaiyanhong aborsiyon o pagkakuha mahimong mosangpot sa bisan unsang panahon tungod sa tawhanong pagkadili-hingpit o sa aksidente. Ugaling, ang tinuyong pagpataktak aron lamang santaon ang pagkatawo sa usa ka batang wala kinahanglana, maoy laing butang. Sumala sa Kasulatan, sa ato nang nakita, kini maoy tinuyong paghunos sa kinabuhi sa tawo.
Kinsa ba “ang Usa nga pagpahimutang sa yuta ug sa abot niini, ang Usa nga nagahatag ug gininhawa sa mga tawo niini, ug sa espiritu niadtong nagalakaw niini”? Dili ang tawo kondili ang Tinubdan sa tanang kinabuhi, si Jehova nga Diyos. (Isaias 42:5) Ang atong hinatag-Diyos nga katakos sa pagpasa sa kinabuhi ngadto sa atong mga anak maoy bililhong pribilehiyo nga tungod niana, sama sa tanang butang, “ang matag usa kanato magahatag ug husay sa iyang kaugalingon sa Diyos.”—Roma 14:12.
[Kahon sa panid 14]
Usa ka Makalipay nga Pagsamkon
Niadtong 1973, ang The Watchtower, ang kaubang magasin sa Awake!, may mubong artikulo nga naghisgot sa hunahuna s Bibliya bahin sa aborsiyon. Duha ka batan-ong estudyante ang nagbasa niadto. Ang babaye mabdos, ug siya ug ang amahan nagkasabot sa aborsiyon. Apan tungod sa artikulo kadto ilang gihunahuna. Ingong resulta, ilang gihukom nga ipakatawo ang ilang anak.
Sa dili pa dugay ang lalaki nahibalag pag-usab sa mga Saksi ni Jehova, ug siya miingon: “Labing dako ang akong pagtahod sa inyong mga basahon bahin sa Bibliya. Maoy tungod niadtong artikulong makapapukaw nga ang akong asawa ug ako mao ang magarbohong mga ginikanan sa matahom nga 13-anyos nga anak babaye karong adlawa!”
Magantihon gayod alang kanila ang pagsubay sa Kasulatanhong dalan?
[Tinubdan sa Letrato sa panid 15]
H. Armstrong Roberts