GALBANUM

Usa ka dalagon o kapehon nga salong nga naggikan sa pipila ka tanom sa Asia nga kapamilya sa karot, o parsley. Dili matino ang eksaktong matang sa tanom nga nagpatunghag galbanum nga gigamit sa mga Israelinhon.

Ang samag gatas nga duga nga mogahi aron mahimong galbanum mogawas rag iya gikan sa lindog sa tanom o kaha motulo pinaagig pagsamad sa lindog. Ang galbanum maoy usa sa mga sambog sa insenso nga gilatid alang sa linain nga paggamit diha sa sangtuwaryo. (Ex 30:34-38) Sa dihang sunogon nga walay sambog giingon nga kini baho, apan kon ang galbanum isagol sa ubang humot nga mga substansiya, kini magpahumot pa ug magpadugay sa alimyon niini nga mga substansiya.