ABISUA

[lagmit, Ang Amahan Maoy Tabang].

1. Usa ka Benjaminhon sa banay ni Bela. (1Cr 8:1-4) Bisag mopatim-aw nga siya anak nga lalaki ni Bela, tungod sa kalainan tali sa mga asoy diha sa Numeros 26:​40, 1 Cronicas 7:​7, ug 1 Cronicas 8:1-4 ang pipila nagtuo nga ang mga pulong “mga anak nga lalaki” tingali nagkahulogan nga “mga kaliwat.”

2. Ang anak nga lalaki ni Pinehas ug usa ka apo-sa-tuhod ni Aaron. Siya mao ang amahan ni Buki. (1Cr 6:​4, 5, 50, 51) Sa Esdras 7:1-5 siya gipakita nga usa sa mga katigulangan ni Esdras. Si Josephus (Jewish Antiquities, V, 361, 362 [xi, 5]; VIII, 12 [i, 3]) naghisgot kang Abisua (gitawag nga Abiezer sa Basahon V) ingong ang hataas nga saserdote, nga kon dawaton, maghimo kaniyang ikaupat nga hataas nga saserdote sa Israel. Kini moharmonya sa saad ni Jehova ngadto sa amahan ni Abisua nga si Pinehas nga ang pagkasaserdote magpabilin sa iyang banay.​—Num 25:11-13.