Nagpagiya ba Ta sa Pulong sa Diyos Adlaw-adlaw?

Ang pagbasa sa Bibliya adlaw-adlaw makatabang nga ‘mogamot’ ug ‘molig-on’ ang atong pagtuo. (Col. 2:6, 7) Pero, aron magiyahan ta sa Pulong ni Jehova, kinahanglan natong palandongon ug ipadapat ang mga prinsipyo niini. (Heb. 4:12; Sant. 1:22-25) Ang Josue 1:8 nagpasiugda ug tulo ka epektibong paagi sa pagbasa: (1) Basaha ang Pulong sa Diyos “adlaw ug gabii.” (2) Basaha kini sa “hinayng tingog,” sa ato pa, ayaw pagdali aron mapamalandong ug mahanduraw nimo ang kahimtang ug panghitabo. (3) Paningkamot nga imong mapadapat ang “tanang nahisulat niini.” Kon himoon nato ni nga mga sugyot, kita “magmalamposon” ug ‘molihok nga maalamon’ adlaw-adlaw.