2013 Tinuig nga Teksto

Sa 1473 B.C.E. andam nang mosulod sa Yutang Saad ang mga Israelinhon, pero may kusgang mga kaaway sa unahan. “Magmaisogon ka ug magmakusganon [o magmalig-on],” gisugo sa Diyos si Josue. Kon si Josue magpabiling matinumanon, siya molampos gayod. “Ayaw kakurat o kalisang,” siya giingnan, “kay si Jehova nga imong Diyos magauban kanimo bisan diin ka moadto.” Ang Diyos nag-uban gyod kanila, kay sa unom ra ka tuig napukan sa mga Israelinhon ang ilang mga kaaway.—Jos. 1:7-9.

Ang matuod nga mga Kristohanon hapit nang mosulod sa bag-ong kalibotan, busa kinahanglan silang magmaisogon ug magmalig-on. Sama ni Josue, nag-atubang kitag kusgang mga kaaway nga nagtinguha sa pagbungkag sa atong integridad. Kita nagapakig-away dili pinaagi sa bangkaw ug espada, kondili sa espirituwal nga mga hinagiban, ug gibansay kita ni Jehova aron kita mahanas sa paggamit niini. Bisag unsang situwasyon ang imong maatubang, makasalig ka nga kon ikaw magmaisogon, magmalig-on, ug magmatinumanon, si Jehova magauban kanimo aron ka magmadaogon.