ZERERA

Ang pagkalagiw sa napilding mga Midianhon samtang gigukod sila sa kasundalohan ni Gideon gihubit nga nagpadayon “abot sa Bet-sita, ngadto sa Zerera, hangtod sa utlanan sa Abel-mehola duol sa Tabat.”​—Huk 7:22.

Ang mabasa sa kawhaan ka Hebreohanong mga manuskrito dinhi maoy “Zereda” inay nga Zerera. Sanglit ang Zereda ug Zaretan gigamit sa samang paagi diha sa 2 Cronicas 4:17 ug 1 Hari 7:​46, ang pipila nagtuo nga pareho ra ang nahimutangan sa Zerera ug Zaretan.​—Tan-awa ang ZARETAN.

Kini nga nahimutangan maoy usa ka posibleng pagsabot sa hubad nga mabasa nga ‘sa direksiyon paingon sa Zerera,’ bisan tuod nga ang nahimutangan sa Zaretan daw sa H pa gayod sa Abel-mehola. Apan kon dili, ang Zerera angayng isipon nga nahimutang tali sa Bet-sita ug Abel-mehola; niana nga kahimtang ang tukmang nahimutangan niini wala mahibaloi.