HERES

1. [Bungol; Nagpakahilom].

Usa ka Levihanon kansang ngalan makita diha sa usa ka talaan niadtong namalik gikan sa pagkadestiyero sa Babilonya.​—1Cr 9:​1, 14, 15.

2. [Adlaw].

Usa ka bukid (Heb., har) diin ang mga Amorihanon padayong nagpuyo bisan pa sa pagpanakop sa Israel sa Canaan. Kini gilangkit sa teritoryo sa tribo ni Dan. (Huk 1:​34, 35) Giisip sa kadaghanang eskolar nga kini katumbas sa Ir-semes (nga dayag nga mao ra usab ang Bet-semes nga anaa sa utlanan sa Juda ug Dan) nga gihisgotan sa Josue 19:41.​—Tan-awa ang BET-SEMES Num. 1.

3. Si Gideon mipauli gikan sa pagpakiggubat sa mga Midianhon agi “sa dalan nga patungas sa Heres.” Ang Bibliya lamang ang naghisgot niining dapita diha sa Maghuhukom 8:13. Busa ang pipila ka eskolar nagtuo nga ang Hebreohanong teksto tingali sa orihinal mabasa nga “una pa ang adlaw [ha·cheʹres] mosubang,” o “gikan sa itaas sa kabukiran,” inay nga “sa dalan nga patungas sa Heres.”