¹⁸ Busa, sila na lang duha ang nagpadayon sa hataas nga panaw paingon sa Betlehem. Sa usa ka banabana, ang maong panaw lagmit dangtag usa ka semana. Bisan pa niana, seguradong gihupay nila ang usag usa taliwala sa kagul-anan.

²¹ Ang duha ka babaye nakaabot ra gyod sa Betlehem, usa ka baryo nga mga 10 kilometros habagatan sa Jerusalem. Mopatim-awng si Noemi ug ang iyang pamilya prominente kanhi nianang gamay nga lungsod, kay ang tanan naghisgot sa pagbalik ni Noemi. Ang mga babaye didto motan-aw niya ug moingon, “Si Noemi ba kini?” Dayag nga sa iyang pag-adto sa Moab, siya nausab gayod; makita sa iyang panagway ug pamayhon ang kalisdanan ug kagul-anan nga iyang naagoman sulod sa daghang katuigan.—Ruth 1:19.