BOZEZ

Usa sa duha ka bato, o samag-ngipon nga dagkong mga bato, nga gihisgotan diha sa kadaogan ni Jonatan batok sa mga Filistehanon nga gitala sa 1 Samuel 14:4-14. Si Jonatan, nga nangitag kaagian patabok aron makaatake sa nagkampong mga Filistehanon, nakakita sa duha ka dagkong mga bato, ang usa diha sa A nga nag-atubang sa Mikmas (diin didto nagkampo ang mga Filistehanon), ang lain diha sa H nga nag-atubang sa Geba. (1Sa 13:16; 14:5) Taliwala niining duha ka siyudad, ang Wadi Suweinit (Nahal Mikhmas) maoy padulhog ngadto sa Jordan ug nahimong usa ka lawom nga lugot nga may titip kaayong mga pangpang dapit sa S sa maong mga siyudad. Ang duha ka dagkong mga bato gituohan nga nahimutang sa dapit diin ang lugot kurbada kaayo, bisan tuod nga banabana lamang ang tukmang nahimutangan niini.