BET-CAR

[Balay sa Laking Karnero].

Usa ka dapit nga gihisgotan diha sa asoy sa pagpildi sa Israel sa mga Filistehanon didto sa Mizpa. Gigukod sa mga Israelinhon ang nangalagiw nga mga Filistehanon “hangtod sa habagatan sa Bet-car.” (1Sa 7:11) Gilangkit sa daghan ang Bet-car sa Bet-hakerem (Jer 6:1; Neh 3:14), nga gituohan sa pipila nga mao ang ʽAin Karim (ʽEn Kerem), mga 7.5 km (4.5 mi) sa KHK sa Patukoranan sa Templo didto sa Jerusalem. Kon ang maong ruta maoy ilang gisubay, ang mga Filistehanon makadangat unta gikan sa Mizpa latas sa lawom nga Wadi beit Hanina palugsong sa Walog sa Sorek, ug motabok niana paingon sa Kapatagan sa Filistia.​—Tan-awa ang BET-HAKEREM.