KIDON

Ang ngalan sa tag-iya sa giokanan o sa giokanan mismo diin si Uzah gipatay ni Jehova sa dihang sa dili hustong paagi gisulayan ang pagbalhin sa arka sa pagpamatuod gikan sa Kiriat-jearim ngadto sa Siyudad ni David. Ang giokanan dayag nga nahimutang taliwala niining duha ka dapit ug duol sa balay ni Obed-edom. (1Cr 13:6-14) Ang eksaktong dapit niini wala mahibaloi. Ang samang asoy sa 2 Samuel 6:6 nag-ingon nga “Nacon,” nga lagmit nagpakitang ang usa ka asoy naggamit sa ngalan sa dapit sa giokanan, samtang ang laing asoy naggamit sa ngalan sa tag-iya niini. Human sa gihisgotang hitabo sa itaas, ang dapit gitawag nga Perez-uzah, nga nagkahulogang “Kasuko Batok Kang Uzah.”