SHEMINITH

Bisan tuod ang literal nga kahulogan niining musikal nga termino maoy “ang ikawalo,” ang tukmang kahulogan niini dili matino. Lagmit kini nagtumong sa usa ka partikular nga tunog o matang sa musika, usa nga ubos, ug kon adunay mga tulonggon nga nalangkit niini nga termino, kini tingali mao kadtong gigamit sa pagtugtog sa baho o ubos nga mga tono sa musika.

Sa 1 Cronicas 15:​21, ang mga alpa giingong “gitono uyon sa Sheminith [“lagmit nagtumong sa ikawalong tono o sa mas ubos nga oktaba,” ftn sa Rbi8; “lagmit ang mas ubos nga oktaba sa baho,” ftn sa Da sa letrang z].” Nahiuyon niana, ang mga superskripsiyon sa Salmo 6 ug 12 (kining duha ka salmo maoy awit sa kasubo) mabasa: “Ngadto sa direktor (sa kinuldasan nga mga tulonggon) sa mas ubos nga oktaba [shemi·nithʹ],” nga lagmit nagpailang kini nga mga awit pagaduyogan sa musika diha sa ubos nga tono ug awiton usab sa ingon.​—Tan-awa ang ALAMOT.