JOAHAZ

[pinamubo sa Jehoahaz, nga nagkahulogang “Hinaot Makahupot si Jehova; Nakahupot si Jehova”].

1. Laing espeling sa ngalan ni Jehoahaz nga hari sa Israel, sumala sa makaplagan sa pipila ka hubad (AS, JP, Ro, RS) sa 2 Hari 14:1. Ang mabasa sa Masoretikong teksto niini nga bersikulo maoy Yoh·ʼa·chazʹ, apan pinasukad sa Hebreohanong mga manuskrito diin kini mabasa nga Yehoh·ʼa·chazʹ, ang ubang mga hubad (AT, JB, Mo, NW) naghubad niining ngalana nga Jehoahaz.​—Tan-awa ang JEHOAHAZ Num. 2.

2. Amahan sa tigtala ni Haring Josias nga si Joa.​—2Cr 34:​1, 8.

3. Sa 2 Cronicas 36:​2, kini maoy laing espeling sa ngalan ni Jehoahaz nga anak nga lalaki ug manununod ni Josias nga hari sa Juda. Dinhi ang pipila ka hubad (AS, AT, JP, Ro) misunod sa Masoretikong teksto ug mabasa nga Joahaz, samtang ang uban (KJ, JB, Mo, NW) mabasa nga Jehoahaz.​—Tan-awa ang JEHOAHAZ Num. 3.