Nasuko pag-ayo si Haman. Apan dili siya kontento nga si Mardokeo ra ang patyon. Buot niyang puohon ang katawhan ni Mardokeo! Nakigsulti si Haman sa hari, nga nagdaot sa mga Hudiyo. Bisag wala niya nganli, iyang gipakita nga sila walay pulos ug “katawhan nga natibulaag ug nalain taliwala sa mga katawhan.” Miingon pa gani siya nga sila wala mosunod sa mga balaod sa hari; busa sila maoy peligrosong mga rebelde. Siya miboluntaryo sa paghulog ug salapi sa tipiganag bahandi sa hari aron igasto sa pagpatay sa tanang Hudiyo sa imperyo.c Gihatag ni Ahasuero kang Haman ang iyang singsing aron timbrehan ang bisan unsang balaod nga iyang mahunahunaan.—Ester 3:5-10.