• Kinsa ang Labing Importante sa Imong Kinabuhi?
    Ang Bantayanang Torre—2011 | Mayo 15

    • 7, 8. Unsang mga pagsulay ang gisagubang ni Job, ug unsay gipakita sa iyang pagkamalahutayon?

      7 Gitugotan ni Jehova si Satanas sa pagpahinabog sunodsunod nga katalagman kang Job. (Job 1:12-19) Unsay reaksiyon ni Job sa kausaban sa iyang kahimtang? Siya “wala makasala ni magpasangil ug bisan unsang butang nga dili angay batok sa Diyos.” (Job 1:22) Apan wala mohunong si Satanas. Siya dugang mihagit: “Panit alang sa panit, ug ang tanang butang nga anaa sa usa ka tawo iyang ihatag tungod sa iyang kalag.”a (Job 2:4) Si Satanas nangatarongan nga kon si Job mismo mag-antos, siya modesisyon nga si Jehova dili ang labing importanteng Persona sa iyang kinabuhi.

  • Kinsa ang Labing Importante sa Imong Kinabuhi?
    Ang Bantayanang Torre—2011 | Mayo 15

    • a Ang pipila ka eskolar sa Bibliya nagtuo nga ang ekspresyong “panit alang sa panit” mahimong nagpasabot nga sa kahakog itugot ni Job nga ang iyang mga anak ug mga hayop mawad-ag mga panit, o kinabuhi, basta siya dili ra mawad-an sa iyang panit, o kinabuhi. Ang uban nagtuo nga kana nagpasiugda nga ang usa ka tawo andam mawad-ag bahin sa panit aron maluwas ang iyang kinabuhi. Pananglitan, kon bunalan ang usa, isagang niya ang bukton aron dili maigo ang iyang ulo, sa ingon mawad-an siyag bahin sa panit aron maluwas ang iyang panit o kinabuhi. Bisag unsay kahulogan sa maong idiom, kana nagpaila nga ihatag ni Job ang tanan aron lamang maluwas ang iyang kinabuhi.