Nahinumdom Ka Ba?

Gipalandong mo bag maayo ang dili pa dugayng mga isyu sa Ang Bantayanang Torre? Kon mao, hayan imong makitang makaiikag ang paghinumdom sa mosunod:

◻ Unsa ang “timaan sa pagkamaayo” ang gipakita ni Jehova sa mga sumusunod sa tunob ni Jesus? (Salmo 86:17)

Kadto mao ang “kalipay sa balaang espiritu” nga nagpalig-on sa unang mga Kristohanon aron maantos ang nagkalainlaing mga matang sa paglutos nga modangat kanila. (1 Tesalonica 1:6) Sama gihapon kini karong adlawa, ug si Jehova, ang Maghahatag sa “tanang maayong gasa ug sa tanang hingpit nga regalo,” malipay sa “paghatag sa balaang espiritu sa mga nagapangayo kaniya.” (Santiago 1:17; Lucas 11:13) Busa ang kalipay sa balaang espiritu nga gipakita diha sa mga sumusunod ni Jesus mao ang “timaan sa pagkamaayo.”​—12/15, panid 18-19.

◻ Nganong hinungdanong atong dawaton ang panghunahuna sa Diyos bahin sa pagpamakak?

Ang Salmo 5:6 nagaingon nga ang Diyos “magalaglag sa nagasulti ug mga bakak.” Ang Pinadayag 21:8 dugang nag-ingon nga ang dulnganan sa tanang bakakon mao “ang ikaduhang kamatayon.” Busa, ang pagdawat sa panghunahuna sa Diyos bahin sa pagpamakak mohatag kanato ug malig-ong katarongan sa pagsulti sa kamatuoran ug busa makadawat sa iyang gasa nga kinabuhi.​—12/15, panid 23.

◻ Unsay naglangkob sa Samarianhong porma sa pagsimba? (Juan 4:20)

Ang mga Samarianhon, sa ilang sinambogan nga pagsimba, midawat ingong Kasulatan sa lima lamang ka basahon ni Moises, ang Pentateuch. Mga ikaupat nga siglo W.K.P., sila mitukod ug templo sa Bukid Gerizim, sa pagpakig-indig sa templo sa Diyos sa Jerusalem. Bisag nagun-ob ang templo sa mga Samarianhon, karong adlawa sila nagasaulog sa tinuig nga selebrasyon sa Paskuwa diha sa Gerizim.​—1/1, panid 25.

◻ Gisugo ba ang mga Kristohanon sa pagpasiugdag batok-polusyon ug mga lakang sa paghinlo?

Sa dinhi pa si Jesus sa yuta, wala mosulay si Jesus sa pagsulbad sa tanang sosyal nga mga problema sa iyang adlaw. Sa dihang si Jehova pinaagi sa iyang Mesiyanikong Gingharian magapatuman sa iyang matarong nga mga prinsipyo diha sa tibuok yutang sukod, ang mga problema sa kalikopan sa bug-os masulbad. Busa, ang mga Saksi ni Jehova nagabaton ug timbang nga panghunahuna. Ang gugma sa silingan nagpalihok kanila sa pagpakitag pagtahod sa kabtangan sa uban, apan sila tukmang ilang giuna ang pagsangyaw sa mensahe sa Gingharian sa Diyos. (Mateo 6:33)​—1/1, panid 31.

◻ Sa unsang mga paagi si Jesus nagaalagad ingong tigdala sa kahayag? (Juan 8:12)

Gipahinungod ni Jesus ang iyang kaugalingon sa pagsangyaw sa maayong balita sa Gingharian sa Diyos. (Lucas 4:43; Juan 18:37) Iyang giyagyag usab ang relihiyosong mga kabakakan ug sa ingon mitaganag espirituwal nga kagawasan alang kanilang naulipon sa relihiyon. (Mateo 15:3-9) Sa pagkatalagsaon, siya nagpamatuod nga mao ang kahayag sa kalibotan pinaagi sa paghalad sa iyang hingpit tawhanong kinabuhi ingong usa ka lukat. (Mateo 20:28; Juan 3:16)​—1/15, panid 10-11.

◻ Unsa ang pipila ka katarongan kon nganong utang nato kang Jehova nga Diyos ang pagpasakop kaniya?

Si Jehova mao ang Soberano sa Uniberso, ug tungod niini nga katarongan utang nato kaniya ang atong pagpasakop. Usab, sanglit si Jehova maoy labing gamhanan, walay usa ang mahimong molampos sa pagsupak kaniya, busa walay mausa ang mahimong dili magpakabana sa atong pagpasakop kaniya. Ang tanang intelihenteng mga linalang gilalang alang sa katuyoan nga mag-alagad sa ilang Magbubuhat, ug kini naghimo sa tanan nga obligado sa pagpasakop sa ilang kaugalingon ngadto sa Diyos.​—2/1, panid 10-11.

◻ Unsay nakatabang kang Jose nga dumilian ang pagpakighilawas uban sa asawa ni Potipar?

Si Jose nakabaton ug kusganong puwersa nga nagapalihok sa iyang hunahuna. Siya mahunahunaon sa iyang relasyon uban kang Jehova ug nahibalo nga ang pagpakighilawas maoy pagpakasala dili lamang batok sa iyang bana kondili, labawng hinungdanon, batok sa Diyos.​—2/15, panid 21.

◻ Unsay gipasabot ni Jesus sa dihang siya miingon: “Ako mao . . . ang kamatuoran”? (Juan 14:6)

Wala lang isulti ug itudlo ni Jesus ang kamatuoran; siya nagkinabuhi ug naghawas niana. Busa, ang Kristiyanidad dili lamang usa ka ideya; kini maoy usa ka paagi sa kinabuhi.​—3/1, panid 15.

◻ Unsang makapalipayng pagtulon-an ang unod sa Salmo 51?

Kini nga salmo motabang kanato sa pagkaamgo nga kon kita makasala apan tinuod nga nagahinulsol, ang atong mahigugmaon langitnong Amahan mamati sa atong pagpangayog kaluoy ug luwason kita gikan sa pagkawala sa paglaom. Bisan pa, kinahanglang una natong kabalak-an ang bisan unsang pasipala nga ikahatag diha sa ngalan ni Jehova.​—3/15, panid 18.

◻ Unsay gisimbolohan sa bawtismo sa tubig?

Ang bawtismo maoy dayag nga simbolo sa pagpahinungod sa usa kang Jehova nga Diyos. Ang pagtuslob ilalom sa tubig nagapakita nga kadtong gibawtismohan namatay sa dalan sa kinabuhi nga nasentro sa ilang kaugalingon. Ang paghaw-as gikan sa tubig nagsimbolo nga sila karon nabuhi na sa pagtuman sa kabubut-on sa Diyos, nag-una niana sa ilang mga kinabuhi. (Mateo 16:24)​—4/1, panid 5-6.