Sa gihapon, nianang tanang kalisdanan si David kombinsido sa personal nga pagtagad ni Jehova. “Ang pagkahimo nakong kagiw ikaw mismo nagtaho,” nagpahayag siya diha sa pag-ampo kang Jehova. Oo, alang kang David kadto nahisamag si Jehova nagtala sa tibuok nga mapait nga kasinatian. Dayon si David midugang: “Isulod ang akong mga luha sa imong botelyang panit. Dili ba nga sila anaa man sa imong basahon?”a (Salmo 56:8) Pinaagi sa maong ilustrasyon, gipahayag ni David ang pagsalig nga si Jehova nasayod dili lamang sa kahimtang kondili sa emosyonal usab nga epekto niana.