• Isulti ang Maayo Aron Kamo Makapalig-on
    Magpabilin Kamo sa Gugma sa Diyos

    • KON NGANONG ANGAY NATONG BANTAYAN ANG ATONG SINULTIHAN

      4, 5. Giunsa pagbatbat sa pipila ka proverbio ang gahom sa mga pulong?

      4 Usa ka hinungdanong rason nga bantayan ang atong sinultihan mao nga ang mga pulong adunay gahom. Ang Proverbio 15:4 nag-ingon: “Ang pagkakalma sa dila maoy usa ka kahoy sa kinabuhi, apan ang kahiwian niana maoy pagkahugno sa espiritu.”a Ingon nga ang tubig makapabuhi sa kahoy nga lawos nag mga dahon, ang kalmadong sinultihan makapalagsik usab niadtong makadungog niana. Sa kasukwahi, ang daotang mga pulong makapasakit sa uban. Sa pagkatinuod, ang mga pulong nga atong ginalitok adunay gahom sa pagdaot o pag-ayo.​—Proverbio 18:21.