20, 21. Unsay gimantala nga walay hunong sa mga Saksi ni Jehova, apan unsay gidumilian sa pagbuhat sa mga pangulo sa Kakristiyanohan?

²⁰ Ang tagna nagaingon mahitungod kanila: “Kanila miingon siya: ‘Kini mao ang dapit-pahulayan. Hatagig pahulay ang usang gikapoy. Ug kini mao ang dapit sa pagpahayahay,’ apan sila dili manimati. Ug alang kanila ang pulong ni Jehova maoy ‘sugo ibabaw sa sugo, sugo ibabaw sa sugo, latid ibabaw sa latid, latid ibabaw sa latid, dinhi madiyutay, didto madiyutay,’ aron sila manglakaw ug mangahayang ug mangabali ug hilit-agan ug hidakpan.”​—Isaias 28:12, 13.

22. Mahitungod sa unsa nga gipahibalo ni Jehova ang mga pangulo sa Kakristiyanohan?

²² Busa, ang matagnaong mga pulong ni Isaias nagapahibalo sa klero nga si Jehova dili mosulti sa tanang panahon pinaagi sa Iyang dili-madinaotong mga Saksi. Sa dili na madugay, ipatuman ni Jehova ang iyang “sugo ibabaw sa sugo, latid ibabaw sa latid,” ug ang sangpotanan mao unyay malaglagon alang sa Kakristiyanohan. Ang iyang relihiyosong mga pangulo ug ilang mga panon “mangabali ug hilit-agan ug hidakpan.” Oo, sama sa Jerusalem sa kakaraanan, ang relihiyosong mga sistema sa Kakristiyanohan bug-os malaglag. Kana unya maoy makapakugang, wala-damha! Ug pagkamakalilisang nga sangpotanan tungod kay gipalabi sa klero ang espirituwal nga pagkahubog inay ang mga pahinumdom ni Jehova!