JESURUN

[Usa nga Matul-id].

Usa ka dungganong titulo alang sa Israel. Sa Gregong Septuagint ang “Jesurun” nahimong usa ka termino sa pagmahal, ug gihubad kini ingong “hinigugma.” Ang ngalang “Jesurun” angay untang magpahinumdom sa Israel sa pagtawag niini ingong katawhang may pakigsaad kang Jehova ug busa magpahinumdom sa obligasyon niini nga magpabiling matul-id. (Deu 33:​5, 26; Isa 44:2) Sa Deuteronomio 32:15 ang ngalang Jesurun gigamit sa makantalitahong paagi. Inay nga magkinabuhi sumala sa kahulogan sa ngalan niini nga Jesurun, ang Israel nahimong masupilon, mitalikod sa iyang Magbubuhat, ug nagtamay sa iyang Manluluwas.