EGLAT-SELISIYA

[lagmit, Ikatulong Eglat].

Usa ka termino nga gigamit ni Isaias (15:5) ug ni Jeremias (48:34) sa ilang mga pahayag sa kaalaotan batok sa Moab, lagmit nagtumong sa usa ka dapit nianang nasora. May pipila nga nagtuong dihay tulo ka magkadug-ol nga mga lungsod nga pareho ug ngalan diha sa usa lamang ka dapit, ug nga ang ikatulo (“ang ikatulong Eglat,” AT) mao ang gitumong sa mga pahayag sa mga manalagna. Ang tukmang nahimutangan sa maong mga dapit wala gayod matino.

Apan, daghang eskolar ang nagtuo nga ang Hebreohanong mga pulong (ʽegh·lathʹ sheli·shi·yahʹ) dili angayng hatagag katumbas nga propio nombre. Ilang giisip kini ingong usa ka simbolikong ekspresyon ug hubaron kini ingong “usa ka nating baka nga tulo ka tuig ang kagulangon.” (Dy, JP; tan-awa ang KJ, Ro.) Niini nga kahimtang, ang mga manalagna lagmit nagtandi sa napukan nga Moab ngadto sa usa ka kusgan, batan-on, hinuon hingkod na nga baka, apan gikan niini ang nadungog lamang mao ang makaluluoy nga ‘pag-inga’ sa tumang kasakit.