-
Mga Pagtulon-an Bahin sa Pagkadili-MatinumanonTagna ni Isaias—Kahayag Alang sa Tibuok Katawhan I
-
-
19, 20. (a) Sa unsang paagi si Eliakim mahimong panalangin sa iyang katawhan? (b) Unsay mahitabo niadtong mopadayon sa pagsalig kang Sebna?
19 Sa kataposan, si Jehova naggamit ug simbolikong mga pulong aron mabatbat ang pagbalhin sa gahom gikan ni Sebna ngadto kang Eliakim. Siya nagpahayag: “‘Akong ipadulot siya [Eliakim] sama sa usa ka tarugo sa usa ka dapit nga malungtaron, ug siya mahimo gayong sama sa usa ka trono sa himaya sa balay sa iyang amahan. Ug ilang isab-ong kaniya ang bug-os nga himaya sa balay sa iyang amahan, ang mga kaliwat ug ang mga salingsing, ang tanang sudlanan nga magagmay, ang mga sudlanan nga panaksan ingon man ang tanang sudlanan nga tadyaw. Nianang adlawa,’ mao ang giingon ni Jehova sa mga panon, ‘ang tarugo [Sebna] nga gipadulot sa usa ka dapit nga malungtaron ibton, ug kini putlon ug mahulog, ug ang luwan nga anaa sa ibabaw niana putlon, kay si Jehova mismo nagsulti niini.’”—Isaias 22:23-25.
20 Niining mga bersikuloha, ang unang tarugo mao si Eliakim. Siya mamahimong “usa ka trono sa himaya” sa balay sa iyang amahan, si Hilkias. Lahi kang Sebna, dili siya magpakaulaw sa balay o dungog sa iyang amahan. Si Eliakim mamahimong usa ka sangga nga malungtaron sa mga sudlanan sa panimalay, nga mao, sa uban nga nag-alagad sa hari. (2 Timoteo 2:20, 21) Sa kasukwahi, ang ikaduhang tarugo nagtumong kang Sebna. Bisan pag siya morag malig-on, siya pagaibton. Si bisan kinsang mopadayon sa pagsalig kaniya mahulog.
-
-
Mga Pagtulon-an Bahin sa Pagkadili-MatinumanonTagna ni Isaias—Kahayag Alang sa Tibuok Katawhan I
-
-
[Hulagway sa panid 239]
Si Eliakim gihimo ni Ezequias nga “usa ka tarugo sa usa ka dapit nga malungtaron”
-