LO-RUHAMA

[[Siya] Wala Kaluy-i].

Usa ka anak nga babaye nga gipanganak ni Gomer nga asawa ni Oseas. Gisultihan ni Jehova ang manalagna nga nganlan ang bata niining ngalana tungod kay Siya ‘dili na maluoy pag-usab sa balay sa Israel.’ Sa ingon gipakita sa Diyos ang iyang pagsalikway sa Israel sa kinatibuk-an. (Os 1:6-8) Una pa niana, sa dihang natawo si Jezreel, giingon nga si Gomer “nanganak kaniya [Oseas] ug usa ka lalaki,” apan mahitungod kang Lo-ruhama giingon lamang nga si Gomer “nagmabdos sa laing higayon ug nanganak ug babaye,” nga walay direktang personal nga paghisgot kang Oseas. Bisag ang asoy wala maghisgot nga espesipiko, gituohan nga kining bataa mao ang bunga sa pagpanapaw ni Gomer ug dili kaugalingong anak sa manalagna. (Os 1:​2, 3) Gipasabot ang iyang simbolikong ngalan diha sa Oseas 2:​1, 23.