AVEN

1. Ang Aven makita diha sa Masoretikong teksto nga Hebreohanon sa Ezequiel 30:17 ug gihubad nga Aven diha sa King James Version. Ang mabasa dinhi sa daghang modernong mga hubad maoy “On,” ang siyudad sa Ehipto nga gitawag sa mga Grego nga Heliopolis. Ang Hebreohanong mga konsonante sa Aven susama ra sa On, apan lahi ang marka para sa bokales. Ang pipila ka komentarista nagtuo nga ang kausaban sa marka para sa bokales maoy tinuyo aron ipasiugda ang pagtamay sa idolatrosong siyudad sa On, ang sentro sa Ehiptohanong pagsimba sa adlaw.​—Tan-awa ang ON Num. 2.

[2, 3: Pagkamadaoton; Butang Makadaot]

2. Diha sa Oseas 10:8 dayag nga makita ang Aven diha sa Hebreohanong teksto ingong pinamubo sa Bet-aven.​—Itandi ang Os 4:15; 5:8; 10:5; tan-awa ang BET-AVEN Num. 2.

3. Ang Amos 1:5 naghisgot sa “patag sa walog sa Aven,” ug kining ekspresyona nga gikan sa Hebreohanon gihubad nga “Bikat-aven” diha sa NW, JP, ug JB.​—Tan-awa ang BIKAT-AVEN.