Kasiglohan una pa niana, gitagna sa Bibliya ang dapit diin ipakatawo si Jesus: “Ikaw, Oh Betlehem Eprata, nga gamay kaayo aron mahiapil taliwala sa linibo sa Juda, gikan kanimo mogula alang kanako ang usa nga mahimong magmamando sa Israel.”b (Miqueas 5:2) Ang Betlehem dayag nga gamay ra kaayo aron mahitala lakip sa mga siyudad sa teritoryo sa Juda. Apan, kining gamay nga balangay makabatog talagsaong dungog. Ang sinaad nga Mesiyas, o Kristo, maggikan sa Betlehem.—Mateo 2:3-6; Juan 7:40-42.