PANIT NGA MGA SUDLANAG BINO

Ang Gregong pulong nga a·skosʹ nagtumong sa usa ka puntil o botelya nga ginama gikan sa tibuok panit sa hayop. Si Jesu-Kristo miingon: “Ni ang mga tawo magsulod ug bag-ong bino sa daang panit nga mga sudlanag bino [mga puntil nga panit, Int]; apan kon buhaton nila kini, nan mobusisi ang panit nga mga sudlanag bino ug ang bino mobuhagay ug ang panit nga mga sudlanag bino madaot. Apan ang mga tawo magsulod ug bag-ong bino sa bag-ong panit nga mga sudlanag bino, ug pareho kining mapreserbar.” (Mat 9:17; Mar 2:22; Luc 5:​37, 38) Sa dihang moaslom ang bag-ong bino, kini mopatunghag gas nga carbon dioxide nga mopaburot sa mga panit nga botelya. Ang bag-ong mga panit moinat; ang daan, nga dili na moinat mabusisi tungod sa presyur.

Kini nga ilustrasyon maoy bahin sa tubag ni Jesus kon nganong ang iyang mga tinun-an wala mosunod sa tanang karaan nga mga kostumbre ug mga binuhatan sa mga Pariseo. Dayag nga gipasabot ni Jesus nga ang kamatuoran sa Kristiyanidad hilabihan ra ka kusganon ug ka puwersado nga ipabilin sa karaang sistema sa Judaismo, nga kulang sa espiritu ug kamapailin-ilinon ug hapit nang mahanaw. (Mat 9:14-16) Alang sa katibuk-ang panaghisgot bahin sa panit nga mga botelya ug sa mga gamit niini, tan-awa ang BOTELYA.