Si Jesus miingon: “Mag-ampo kamo sa ingon niini nga paagi: ‘Amahan namo nga anaa sa mga langit, pagabalaanon unta ang imong ngalan. Paanhia ang imong gingharian. Matuman unta ang imong kabubut-on, maingon sa langit, mao man usab sa yuta. Ihatag kanamo karong adlawa ang among tinapay alang niining adlawa; ug pasayloa kami sa among mga utang, ingon nga kami nagapasaylo usab sa mga nakautang kanamo. Ug ayaw kami dad-a ngadto sa tentasyon, apan luwasa kami gikan sa usa nga daotan.’”—Mateo 6:9-13.

“Ihatag kanamo karong adlawa ang among tinapay alang niining adlawa.” Human sa paghatag ug unang pagtagad sa ngalan sa Diyos ug sa iyang Gingharian, sunod gitagad ni Jesus ang atong mga panginahanglan. Ang iyang mga pulong nagpakita nga dili kita mangayog sobra sa atong gikinahanglan “alang niining adlawa.” Atong sundon ang tambag sa Proverbio 30:8: “Ayaw ako hatagi ug kakabos ni mga bahandi. Pakan-a ako sa pagkaon nga maoy gikinahanglan lamang alang kanako.”