TIBERIAS

1. Usa ka siyudad nga gitukod ni Herodes Antipas niadtong mga 18 K.P. ug ginganlan sumala sa ngalan ni Tiberio Cesar, ang emperador sa Imperyo sa Roma nianang panahona. Gitawag gihapon kini nga Tiberias (Teverya) ug nahimutang nga mga 25 km (15 mi) sa SAS sa Nasaret diha sa medyo hiktin nga luna ubay sa kasadpang baybayon sa Dagat sa Galilea nga 210 m (690 p) ubos sa lebel sa Mediteranyo. Ang Tiberias maoy mga 15 km (9.5 mi) kon mamaybay sa dagat gikan sa Capernaum ug 9 km (5.5 mi) ibabaw sa dapit diin ang Jordan moagos gikan niini nga katubigan. Dinhi nagpuyo si Herodes nga tetrarka. Duol niana, dapit sa H sa siyudad, may daghang gibantog nga mainit nga mga tubod. Ang siyudad kas-a lamang hisgoti sa Kasulatan.​—Ju 6:23; HULAGWAY, Tomo 2, p. 739.

2. Ang Dagat sa Galilea (Yam Kinneret) usahay gitawag ug Tiberias, sama sa ngalan sa siyudad nga nahimutang diha sa daplin sa kasadpang baybayon niini.​—Ju 6:1; 21:1.