GAYO

[gikan sa lintunganayng pulong nga nagkahulogang “yuta”].

1. Usa ka Macedonianhon nga mikuyog kang apostol Pablo sa iyang ikatulong misyonaryong panaw ug kinsa, uban ni Aristarko, gipugos sa pagpauban ngadto sa teatro sa Efeso sa panahon sa kagubot nga gisugniban sa platero nga si Demetrio.​—Buh 19:29.

2. Usa ka Kristohanon gikan sa Derbe sa Asia Minor nga gitala uban sa laing unom pa nga mikuyog kang apostol Pablo sa iyang kataposang misyonaryong panaw. Si Gayo ug kining uban pa dayag nga mibulag kang Pablo ug dayon miuna sa Troas, sa K nga baybayon sa Asia Minor, diin sila naghulat kaniya. (Buh 20:​4, 5) Kini nga Gayo lagmit mao ra ang Num. 1, sanglit si Aristarko gihisgotan man usab diha sa asoy. Kon mao, lagmit kini nagpasabot nga si Gayo natawo sa Macedonia o kaha siya Macedonianhon ug kaliwat apan nanimuyo na sa Derbe.

3. Usa ka Kristohanon sa Corinto nga personal nga gibawtismohan ni Pablo. Sa dihang gisulat ni Pablo ang iyang sulat ngadto sa mga taga-Roma, lagmit kini nga Gayo mao ang nag-abiabi kaniya maingon man usab sa kongregasyon. Kini nagpakita nga ang mga tigom sa kongregasyon sa Corinto gihimo didto sa balay ni Gayo.​—1Co 1:14; Rom 16:23.

4. Usa ka Kristohanon nga gisulatan ni apostol Juan sa iyang ikatulong inspiradong sulat ug kinsa iyang gikomendahan tungod sa paglakaw niini subay sa kamatuoran ug, naghisgot sa iyang pagkamaabiabihon, sa iyang matinumanong buhat ug sa iyang gugma.​—3Ju 1, 3-6.