SALMONE

Usa ka habog nga lawis sa Creta nga kasagarang gituohan nga mao ang Cape Sidero sa S nga tumoy sa pulo. Si Pablo milawig agi sa Salmone niadtong mga 58 K.P. sa iyang pagpaingon sa Roma aron husayon. Apan, ang kusog nga hangin maoy nakapugong sa sakayan gikan sa Nido sa paglawig sa A sa Creta agi sa habagatang tumoy sa Gresya ug dayon ngadto sa Roma. Kay napugos sa paglawig pahabagatan, ang sakayan miagi sa Salmone ug human niadto nagpasalipod gikan sa hangin samtang milawig ubay sa habagatang kabaybayonan sa Creta.​—Buh 27:7.