• Usa ka Gatos ka Tuig Ubos sa Pagmando sa Gingharian!
    Ang Bantayanang Torre—2015 | Nobyembre 15

    • 2. Pilay lagmit presente dihang gihatag ang sugo sa Mateo 28:19, 20, ug nganong makaingon ta niana?

      2 Wala madugay human sa iyang pagkabanhaw, si Jesus nakigkita sa kapig 500 ka potensiyal nga magmamantala sa Gingharian. (1 Cor. 15:6) Lagmit sa maong okasyon nga iyang gihatag ang sugo nga isangyaw ang mensahe sa Gingharian sa “katawhan sa tanang kanasoran”​—usa ka lisod nga buluhaton kaniadto!a Gitagna ni Jesus nga kining dakong buluhaton magpadayon hangtod sa “kataposan sa sistema sa mga butang,” ug natuman gayod kana. Lagmit nakatampo ka sa katumanan sa maong sugo ug tagna.​—Mat. 28:19, 20.

  • Usa ka Gatos ka Tuig Ubos sa Pagmando sa Gingharian!
    Ang Bantayanang Torre—2015 | Nobyembre 15

    • a Makataronganon ang pagtuo nga ang kadaghanan niadtong presente sa maong okasyon nahimong mga Kristohanon. Si Pablo naghisgot kanila ingong “lima ka gatos ka igsoon” diha sa iyang sulat sa mga taga-Corinto. Makapainteres, siya midugang: “Ang kadaghanan kanila nagpabilin pa hangtod sa pagkakaron, apan ang pipila nangatulog na sa kamatayon.” Busa, mopatim-aw nga si Pablo ug ang ubang Kristohanon sa unang siglo nakaila sa daghan niadtong nakadungog mismo sa maong sugo.