DIHANG MAGBALIKDUAW
LEKSIYON 8
Pailob
Prinsipyo: “Ang gugma taas ug pailob.”—1 Cor. 13:4.
Ang Gihimo ni Jesus
1. Tan-awa ang VIDEO, o basaha ang Juan 7:3-5 ug 1 Corinto 15:3, 4, 7. Dayon konsideraha ang mosunod nga mga pangutana:
Sa sinugdan, unsay reaksiyon sa mga igsoon ni Jesus sa iyang mensahe?
Unsay nagpakita nga wala mohunong si Jesus sa pagtabang sa iyang igsoon nga si Santiago?
Unsay Atong Makat-onan Kang Jesus?
2. Kinahanglan tang magpailob kay ang ubang tawo mas dugayng modawat sa maayong balita.
Sundoga si Jesus
3. Sulayi ang laing paagi. Kon ang usa ka tawo dili dayon modawat ug pagtuon sa Bibliya, ayaw siyag pugsa. Kon haom, paggamit ug mga video o artikulo nga motabang niyang masabtan kon unsay ginahimo sa pagtuon sa Bibliya ug kon sa unsang paagi siya makabenepisyo.
4. Ayaw pagtandi. Ang matag tawo managlahi. Kon ang usa ka membro sa pamilya o balikduaw magduhaduha sa pagtuon sa Bibliya o sa pagdawat sa usa ka pagtulon-an sa Bibliya, konsideraha kon nganong kana ang iyang gibati. Naa ba siyay gituohan sa iyang relihiyon nga importante kaayo niya? Gipresyur ba siya sa iyang mga paryente o silingan? Hatagi siyag panahon nga hunahunaon ang imong gisulti ug apresyahon ang giingon sa Bibliya.
5. Iampo ang interesadong tawo. Hangyoa si Jehova nga tabangan kang magpabiling positibo ug matinahoron. Pag-ampo para sa katakos sa pag-ila aron makita nimo kon kanus-a nimo hunongon ang pagbalikduaw sa usa nga dili kaayo interesado.—1 Cor. 9:26.