¹⁰ Busa karong adlawa ang pagkahimong usa ka proselitang Hudiyo uban ang hunahuna nga sa maong paagi mahimong bahin sa “binhi” ni Abraham aron panalanginan ang nahibiling katawhan dili mao ang paagi ni Jehova nga Diyos. Nan, unsa man diay ang nahitabo?

Ang Matuod nga mga Anak sa Abrahamikong Pakigtugon

¹³ Sa laing bahin, ang “Jerusalem sa itaas” mao ang dili-makitang langitnong organisasyon ni Jehova. Sa tumbas nga paagi, kini gihulagwayan sa usa ka babaye, si Sara, ang matuod nga asawa ni Abraham. Ang pakigtugon sa Kasugoan wala himoa uban niining organisasyona, busa “ang Jerusalem sa itaas,” may kagawasan, sama kang Sara sa kakaraanan. Kini mao ang organisasyong nagpatungha sa sinaad nga “binhi,” ug kana ang hinungdang gitawag kana ni apostol Pablo nga “atong inahan.”