Magpakitag Gugma

Ang Problema

Ang pagkamapihigon dili daling mawala. Sama kinig virus nga nagkinahanglag panahon ug paningkamot aron kini mawala. Unsay imong mahimo aron mawala ang imong pagkamapihigon?

Prinsipyo sa Bibliya

Collage: 1. Giablihan sa Asian nga lalaki ang pultahan para sa itom nga lalaki nga nagbitbit ug mga kape. 2. Ang itom nga lalaki nanghatag ug kape sa iyang mga katrabaho, apil ang Indian nga babaye nga gipakita ganina.

“Isul-ob ang gugma, kay kini ang hingpit nga bugkos sa panaghiusa.”—COLOSAS 3:14.

Unsay gipasabot niini? Ang pagbuhat ug maayo ngadto sa uban makapasuod sa mga tawo. Kon pirme kang magpakitag gugma sa uban, mamenosan ang imong pagkamapihigon. Samtang magkadako ang imong gugma, anam-anam nga mawala ang imong pagdumot o negatibong pagbati sa uban.

Ang Imong Mahimo

Collage: 1. Ang tigulang nga puti gitabangan sa Indian nga babaye sa pagbitbit sa iyang mga pinalit pasaka sa hagdanan. 2. Ang tigulang nga puti nanghatag ug cookies sa iyang silingan, kadtong Asian nga lalaki nga gipakita ganina.

Paghunahunag mga paagi nga makapakita kag gugma sa mga tawo nga dili nimo ganahan. Dili kinahanglang espesyal kaayo ang imong himoon. Sulayi ang usa o pipila sa mosunod:

Sa matag simpleng buhat sa gugma, anam-anam nga mawala ang imong pagkamapihigon

Magpakitag maayong pamatasan sa maong mga tawo pinaagi sa pag-abli sa pultahan para nila o sa pagtindog aron silay makalingkod sa bus o tren.
Pakig-estorya nila bisan pag dili kaayo sila makasulti sa imong pinulongan.
Magpailob kon wala ka kasabot sa ilang ginahimo.
Magpakitag simpatiya kon mosulti sila sa ilang problema.