¹ Usa ka panahon sa paghusay nagakaduol na alang sa tanang katawhan. Kini ang panahon nga ipahamtang ang balaang paghukom batok sa mga daotan; kini usab usa ka panahon sa kaluwasan alang sa mga matarong. Ang tanang tawo unya nga buhi magapanubag sa paagi sa ilang pagkinabuhi sa ilang mga kinabuhi. Uban sa maong panghunahuna, si Pedro nagapangutana: “Unsa gayong matanga sa mga tawo angay kamo”? Iyang gipasiugda ang kahinungdanon sa ‘balaang mga buhat sa panggawi, mga buhat sa diyosnong pagkamahinalaron, ug kanunayng ginahuptan nga duol sa hunahuna ang pagkaanaa sa adlaw ni Jehova,’ maingon man usab ang panginahanglan nga mahimong ‘walay-buling, walay-lama, ug anaa sa pakigdait.’​—2 Ped. 3:11-14.

⁴ Ang paghupot sa adlaw ni Jehova nga “duol sa hunahuna” nagapasabot nga padayong huptan kini nga panguna sa atong adlaw-adlaw nga mga hunahuna, nga dili gayod ibutang kini sa likod lamang. Kini nagapasabot nga padayong unahon ang mga interes sa Gingharian sa atong mga kinabuhi.​—Mat.6:33.