7, 8. Unsang seryosong problema ang naglungtad sa kongregasyon sa Efeso, ug unsay atong buhaton sa susamang situwasyon?

⁷ Bisan pa niana, ang mga Kristohanon sa Efeso dunay seryosong problema. “Ako adunay ikasulti batok kanimo,” miingon si Jesus, “nga imong gibiyaan ang gugma nga imong nabatonan sa sinugdan.” Ang mga membro sa kongregasyon kinahanglang maghaling pag-usab sa ilang unang gugma kang Jehova. (Marcos 12:28-30; Efeso 2:4; 5:1, 2) Kitang tanan kinahanglang magbantay batok sa pagkahanaw sa atong unang gugma sa Diyos. (3 Juan 3) Apan komosta kon ang mga butang sama sa pagtinguha sa materyal nga mga bahandi o pagpangagpas sa kalingawan nahimong panguna diha sa atong kinabuhi? (1 Timoteo 4:8; 6:9, 10) Nan angay kitang mag-ampo nga kinasingkasing alang sa tabang sa Diyos aron mapulihan ang maong mga kiling ug dulot nga gugma alang kang Jehova ug pasalamat alang sa tanan nga nahimo niya ug sa iyang Anak alang kanato.—1 Juan 4:10, 16.

11. Sa unsang paagi mapalambo nato ang gugma alang kang Jehova?

¹¹ Ang mga taga-Efeso nawad-an sa ilang unang gugma, apan komosta kon ang susamang situwasyon motungha diha sa kongregasyon karon? Hinaot ang matag usa kanato magpalambo sa gugma alang kang Jehova pinaagi sa paghisgot bahin sa iyang mahigugmaong mga paagi. Ikapahayag nato ang atong pasalamat sa gugma nga gipakita sa Diyos sa pagtagana sa lukat pinaagi sa iyang pinalanggang Anak. (Juan 3:16; Roma 5:8) Kon angay, mahimo natong hisgotan ang gugma sa Diyos diha sa mga komento ug sa mga bahin sa programa panahon sa mga panagkatigom. Ikapakita nato ang atong gugma kang Jehova pinaagi sa pagdayeg sa iyang ngalan diha sa Kristohanong ministeryo. (Salmo 145:10-13) Oo, ang atong mga pulong ug buhat dakog mahimo sa paghaling pag-usab o pagpalig-on sa unang gugma sa kongregasyon.