PULO

Ang Hebreohanong termino nga ʼi (plural, ʼi·yimʹ) dili lamang nagtumong sa usa ka yuta nga mas gamay kay sa usa ka kontinente ug bug-os gilibotan sa tubig (Isa 11:11; 24:15) kondili nagtumong usab sa mamala nga yuta (Isa 42:15) o kabaybayonan. (Isa 20:6; 23:​2, 6; Jer 2:10) Sa mahulagwayon, ang pulong nga ʼi mapadapat sa mga molupyo niini nga kapuloan o kabaybayonan. (Gen 10:​5 ftn sa Rbi8; Isa 49:​1 ftn sa Rbi8; 59:​18 ftn sa Rbi8) Usahay ang “kapuloan” maghawas sa halayo kaayong mga dapit ug sa mga molupyo niini. (Isa 41:5; 66:19; Eze 39:6; tan-awa ang MAGOG Num. 2.) Sa ingon wala gayoy layo o hilit kaayo nga mga dapit, sama sa kapuloan sa dagat, ang makalingkawas sa mga epekto sa simbolikong linog nga ipahamtang sa Dakong Babilonya. (Pin 16:18-21; itandi ang Pin 6:12-14.) Sa panglantaw ni Jehova, ang tanang kapuloan maoy “sama lamang sa pinong abog.”​—Isa 40:15.

Lakip sa mga pulo nga espesipikong ginganlan sa Bibliya mao ang Cipro (Buh 13:4-6), Cos, Rodas (Buh 21:1), Creta (Buh 27:7), Cauda (Buh 27:16), Malta (Buh 28:1), ug Patmos (Pin 1:9).