Unsay Giingon Sa Bibliya?

Moabot kaha ang panahon nga duna nay tinuod nga hustisya para sa tanan?

Unsay imong tubag?

• Oo

• Dili

• Tingali

Ang giingon sa Bibliya

“Ako nahibalo gayod nga ipatuman ni Jehova ang legal nga katungod sa sinakit, ang paghukom sa mga kabos.” (Salmo 140:12) Ang Gingharian sa Diyos magdalag tinuod nga hustisya para sa tanan.

Unsa pay atong makat-onan sa Bibliya?

• Nakita sa Diyos ang nahitabong mga inhustisya karon, ug iya kining tul-iron.​—Ecclesiastes 5:8.

• Ang hustisya sa Diyos magdalag kalinaw ug kasegurohan para sa tanan.​—Isaias 32:16-18.

Sa panan-aw sa Diyos, duna bay nasyonalidad nga labaw kay sa uban?

Ang uban nagtuo nga ang Diyos nagpanalangin o nagtunglo sa espesipikong nasyonalidad, samtang duna poy nagtuo nga sa panan-aw sa Diyos, managsama ra ang tanang tawo bisan unsay ilang nasyonalidad. Unsay imong hunahuna?

Ang giingon sa Bibliya

“Ang Diyos dili mapihigon, apan sa matag nasod ang tawo nga mahadlok kaniya ug magabuhat sa pagkamatarong dalawaton kaniya.” (Buhat 10:34, 35) Sa panan-aw sa Diyos, ang tanang tawo managsama ra, walay labaw o ubos.

Unsa pay atong makat-onan sa Bibliya?

• Ang Bibliya dunay “maayong balita” para sa “matag nasod ug tribo ug pinulongan ug katawhan.”​—Pinadayag 14:6.