Magmabalaanon sa Tanan Ninyong Paggawi

¹ Ang pagkabalaan maoy usa ka kinahanglanon alang sa mga alagad sa Diyos karon. Busa gikinahanglan tang masabtan kon unsa ang pagkabalaan ug usab kon sa unsang paagi ug ngano nga kana gayod magtimaan sa atong pagsimba kang Jehova. Tungod niining tumonga, “Magmabalaanon sa Tanan Ninyong Paggawi” mao ang tema sa programa sa espesyal nga adlawng asembliya nga magsugod sa Marso, 1991.​—1 Ped. 1:15.

² Sanglit ang mga balaod ni Jehova nagsumikad kaniya ingong Balaang Diyos, ang matarong nga pagbarog nga atong napahimuslan maoy diretsong resulta sa atong personal nga relasyon uban kaniya. Busa, ang programa magpakita sa ubay-ubay nga mga paagi nga atong mapauswag ang atong relasyon uban sa Diyos. Kini nagalangkit sa pagkamasinundanon sa iyang balaang mga suntoan, bisan diha sa gagmayng mga butang. (Luc. 16:10) Kita matabangan sa pag-ugmad sa mas dulot nga apresasyon dapig sa mga kinahanglanon ni Jehova ug kon sa unsang paagi kini magpaimpluwensiya sa tanan tang panghunahuna, tinamdan, ug mga paagi.

³ Duha ka dagkong pakigpulong nga pagatagikon mao ang “Pagpasakop Ngadto sa Mauswagong Pagkahinlo” ug “Mauswagong Kalihokan sa Balaang Katawhan ni Jehova.” Maingon nga ang makapaukyab nga mga hitabo sa kalibotan nagapasiugda sa pagkadinalian sa kapanahonan, ang programa sa espesyal nga adlawng asembliya magpalihok kanato sa padayong paggawi sa atong kaugalingon diha sa pagkabalaan, nga sa ingon magapahimuot kang Jehova.​—1 Ped. 1:14, 16.