Awit 155
“Mag-abiabi ang Usa sa Usa”!
1. O mag-abiabi kamo ang usa sa usa!
Kay si Kristo nagpakamatay sa usag-usa.
Pasagdi ang kusganon magtabang sa maluya,
Tabangang makaseguro sa paglaom nila.
Kay ang nahasulat kanhi sa mga propeta
Makapalig-on, makapalunhaw paglaom ta.
Dili ang kaugalingon ang pahamut-an ta,
Kaayohan sa uban daw kaugalingon ra.
2. Nagtigom si Jehova ug usa ka katawhan,
Wa na magtuon sa gubat ni sa gubot layhan.
Gikan sila sa tanang nasod ug sinultihan,
Nga sa kasingkasing, sa balaod nagatuman.
Sa himaya sa Diyos abiabihon ta sila,
Dili magpalabilabi, sa tanan higala.
Sa pagpanig-ingon sa Diyos may bentaha kita.
Sundon sab ang Anak ug kasingkasing buksan ta.
3. Pasagdi nga awhagon ta ang tanang katawhan,
Magmaya, mag-awit, kang Jehova mag-ambahan.
Magwali kita sa kadalanan, kabalayan,
Sa maayong balita si Jehova bantogan.
Dili na mausab pa kini nga kadungganan.
Kay kini sa matuod adlaw sa kataposan.
Busa ang mga igsoon atong higugmaon,
Oo, mag-abiabi, ang Diyos ta nagkanayon.