Awit 34

Nagabarog sa Among Ngalan

(Isaias 43:10-12)

1. Diyos nga Jehova, labi kang gamhanan,

Hingpit sa hustisya ug sa gugma.

Imo ang kaalam, kamatuoran,

Soberano ka sa kalangitan.

Mga anghel kanimo nag-alagad;

Kalalangan mo kahimayaan.

Mga Saksi kami, mga alagad;

Magabarog mi sa among ngalan!

2. Tabangi mi Diyos ngalan mo ampingan,

Karnero mo among alimahan.

Si Jesu-Kristo suod pagasundon,

Sugo niya among pagatumanon.

Magbantay mi sa among pamatasan

Ug ngalan mo di mapasipad-an.

Kay Saksi mi nimong may katungdanan,

Magabarog mi sa among ngalan!

3. Samtang padayon kaming mag-alagad,

Diha sa gugma ug paghiusa,

Pagkadiyosnon mao ang among bahin;

Kasadya sa among kasingkasing.

Magabarog kami sa among ngalan,

Sa pagsangyaw sa kamatuoran.

Ug kanimo, O balaang Jehova,

Makahatag mi ug kalipayan!