Awit 129
Karon na ang Panahon!
1. Karon na ang panahon
Magwaling maisogon.
Dili magmahadlokon,
Pagmando sa Diyos palabihon.
Katawhan atong pasidan-an,
Dakong Babilonya biyaan,
Ug ang kaluwasan maangkon.
Sa balay sa Diyos makugihon.
Panahon nang magmakugihon.
2. Karon na ang panahon
Nga magmahigugmaon
Ug magmatinabangon
Sa tanan tang mga igsoon.
Mag-alagad nga mahatagon,
Kamatuoran higugmaon.
Ang pahiyom sa Diyos maangkon
Kon magpabiling maunongon.
Panahon nang magmaunongon.
3. Duol nang kataposan,
Unya ang kadaogan.
Wala na ang kangiob,
Kahayag maoy magatugob.
Abiabihon tang minatay,
Pakan-on sa Buhing Tinapay.
Way daotang kalisangan pa.
Oo, Diyos ta nagpahayag na.
Panahon nang magpahayag ta!